Күлтөбе қалажұртының ежелгі мәдени қабатында қаңлы дәуіріне жататын зергерлік бұйымдар қазынасы табылды. Күлтөбелік алтын бұйымдарға - әр түрлі пішінде әшекейленген «жалпақ қоңыраулар» түріндегі жапсырмалар, сондай-ақ дөңгелек етіп бүгілген жұқа жіңішке пластиналар түріндегі белгісіз мақсаттағы бұйымдар жатады.
Темір тілшесі бар кішкене қоңыраулар түріндегі қоладан жасалған бұйымдар ерекше қызығушылықты тудырады. Мамандардың пікірінше, осындай қола қоңыраулар бәле-жаладан аластайтын әртүрлі ірі моншақтар, сүйектер және т.б. тиімді заттар сияқты бойтұмар жиынтығының қарапайым деталі болған.
Өсімдіктердің тұқымдары немесе жемістері түрінде жасалған қола салпыншақтар құнарлылық идеясын бейнелейтін болуы керек. Олар дөңес үшбұрышты пішінді болған. Миниатюрды сақиналардың болуы олар салпыншақтар жиынтығына кіргенін білдіреді.
Күлтөбенің мәдени қабатында трапециялық пішінді ұзындығы бойынша орталарында тесіктері бар ақық тастан жасалған моншақтар, көгілдір түсті дөңгелек пішінді ортасында тесігі бар әйнек майда моншақтар, мысырлық фаянс, паста, маржан және басқа тастар үйлескен әртекті материалдардан жасалған алқа табылған. Алқа әртүрлі диаметрдегі 20 әртүсті тастардан жасалған.
Күлтөбелік зергерлік топтамасында кейінгі дәуірдегі заттар - күміс және алтыннан жасалған сырғалар, сақиналар, білезіктер және түрлі пішіндегі материалдар мен моншақтар ұсынылған.
