Түркістанда ерекше ашылу жасалды. Қазақтың ғылыми-зерттеу мәдениет институтының «Күлтөбе қалажұртының тарихи нысандарын қалпына келтіру» жобасы аясында археологтар XIX ғасырдағы қазақ тұрғын үйлерінің қалдықтарын, сонымен қатар Қоқан және басқа кезеңдерге жататын тұрғын үйлерді тапты.
Зерттеушілер кейбір тұрғын үйлерді XVI-XVII ғасырларға жатады деп болжайды. Бұл кезеңдердің құрылыс құрылымдары отандық тарих ғылымында аз зерттелген мәселелер ретінде қарастырылатындығын және айтарлықтай ғылыми қызығушылық тудыратындығын атап өткен жөн.
Қазба орнында ғалымдар төбелік бөренелерді, шатыр жабындыларының қалдықтарын, пеш және дәлізді тапты. Сонымен қатар, Күлтөбе қалажұртының жоғарыда аталған мәдени қабаттарын қазу кезінде археологтар өзіндік Түркістан стилінің үлгілері - көптеген керамика ыдыс-аяқтардың сынықтарын тапты.
Күлтөбе қалажұртының осы және басқа нысандары болашақта Қазақстанның тарихи дамуындағы негізгі кезеңдерді бір жергілікті жерде ұсынатын археологиялық саябақтың негізгі туристік нүктелеріне айналады.
Археологиялық экспедиция жетекшісі Серік Ақылбектің айтуынша, болашақта мамандар осы жерден ежелгі дәуірлердің құрылымдарын табуға үміттенеді. Біздің басты мақсатымыз - қаланы зерттеу, оны сақтау және қалпына келтіру.
Естеріңізге сала кетcек, көне Түркістан қаласының тарихи бастамасы болып табылатын Күлтөбе қалажұрты Бүкіләлемдік мұра тізіміне керетін - Қожа Ахмед Ясауи кесенесінің буферлік аймағында орналасқан.
Жарияланған күні: 31.01.2019
Көрулер саны: 708